تحميل كتاب نادر فودة - قبل البداية ( الوقاد ) PDF تأليف أحمد يونس

تحميل كتاب نادر فودة - قبل البداية ( الوقاد ) PDF تأليف أحمد يونس

نادر فودة - قبل البداية ( الوقاد )

معلومات عن الكتاب

المؤلف : أحمد يونس

البلد : مصر

لغة الكتاب : العربية العامية

النوع الأدبي : الأدب العربي | روايات عربية

عدد الصفحات : 161


عن الكتاب :

أبدأ منين !!

أبدأ بأسميوشغلي وهكذا زي ما وعدتكم ؟

ولا أبدأ بفلاش باك لمرحلة تعرفوها من حياتي ؟

ولا فلاش باك أقدم، لمرحلة محدش يعرفها عني ؟

طيب خلونا نتفق مبدئيا إن دي أولى تجاربي في إني أتلكم عن نفسي بشكل غير المعتاد اللي أنا وأنتم اتعودنا عليه دايما ..

أنا ..

أنا نادر فودة الصحفي في جريدة عمق الحدث - باب ما وراء الطبيعة .

أنا الصحفي المغامر والمقامر اللي دايما بيدور على أبواب مشاكل وبيدخلها من دون حساب .. بيفتحها ويتوكل على الله ويدخل دون تردد .

اللي متابعني أكيد عارف كويس مجال عملي الصحفي ..

طيب خليني أفكر اللي عارف وأعرف اللي مش عارف ..

أنا بالبلدي كدة غاوي مشاكل .. مشاكل مش من أي نوع ، يعني لا سياسة ولا دين ولا جنس - ودي في الغالب الثالوث بتاع وجع الدماغ المعتاد - .. لكن أنا أخترت ما وراء الطبيعة ، اخترت عالم غامض أسود مظلم ، الأنفاس فيه معدودة .. ودقات القلب فيه متسارعة . خضت العديد والعديد والعديد من المغامرات ، بعضها مرعب وبعضها غامض ، وبعضها فخ وبعضها لا تفسير له !

صفحة من كتاب نادر فودة - قبل البداية ( الوقاد ) :

روحت بيتي وأنا دماغي غيرت خط سيرها تمام .

أنا زهقت بصراحة ، وكنت بدأت أمل تماما وأحس إن الأمر أصبح متكرر ومتوقع كل اللي هيحصل في كل جلسة علاج .. انا محتاج أجدد !

نمت .. وقبل ما أنام ، كتبت شوية حاجات خاصة ببحث في الكلية ، وكان القرار . الصبح هروح لأبويا اروحي .. طبعا كلكوا عارفينه .. عم مختار .

روحت الكلية وطول ما أنا قاعد سرحان وعندي شغف وقلق وخوف خلصت يومي سريعا وروحت أثبت حضوري سريعا لوالدي ووالدتي .. لكن والدي قالي نادرأنا عاوزك ضروري .. قولتله طيب ممكن لما أرجع .

ووالدي : يبقى اللي سمعته صح

نادر : سمعت إيه يا حاج مصطفى .

والدي : أنت زعلت الشيخ لطفي فعلا ؟َ!

نادر : أنا ؟

والدي : أيوة الشيخ لطفي جه الضهر ، وقال خلو بالكوا نادر زعلني منه . بس ماقلش السبب .

نادر : والله يا حاج مصطفى ما حصل أي حاجة ، كل الحكاية إنه بيزعل لما بسأل كثير .. وعلى العموم أنا هصالحه ماتقلقش .

والدي : آه الله يرضى عنك ، الراجل ده بيني وبينه عمار ومش عاوزين نخسره أبدا .. ده كفاية بنت خالتك مروة واللي عملهولها .

ابتسمت لوالدي وكلت لقمة بسرعة جدا وهما مستغربين أنا متسربع كده ليه .

رابط تحميل كتاب نادر فودة - قبل البداية ( الوقاد ) PDF تأليف أحمد يونس